Senat Keden odaǵynyń keden kodeksi týraly shartqa ózgerister men tolyqtyrýlar engizý týraly hattamany ratıfıkatsııalaý týraly» zańyn qabyldady
aýsymnyń 10-y. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «2009 jylǵy 27 qarashadaǵy Keden odaǵynyń keden kodeksi týraly shartqa ózgerister men tolyqtyrýlar engizý týraly hattamany ratıfıkatsııalaý týraly» zańyn qabyldady.
Endi qujat Memleket basshysynyń qol qoıýyna jiberiledi.
Atalmysh qujattyń maqsaty keden odaǵynyń biryńǵaı keden aýmaǵynda kedendik retteýdi qamtamasyz etý bolyp tabylady. «Hattamada Keden odaǵy keden kodeksiniń 152 babyna ózgerister engizilip otyr. Bundaı ózgeristerdiń basym bóligi redaktsııalyq jáne naqtylaý sıpatynda bolyp tabylady. Bul rette eleýli ózgeristerge Keden odaǵynyń biryńǵaı keden aýmaǵy uǵymyn naqtylaý, ulttyq zańnamany biryńǵaı keden aýmaǵynda paıdalaný, taýarlardy shyǵarý sharty jáne taýarlardy shyǵarý merzimderin qysqartý sharalary qarastyrylǵan», dedi zań boıynsha baıandama jasaǵan QR Qarjy mınıstri Bolat Jámishev.
Esterińizge sala keteıik, atalǵan Keden kodeksi 2009 jyly qarashanyń 27-isinde Mınsk qalasynda jasalǵan Keden odaǵynyń Keden kodeksi týraly sharttyń ajyramas bóligi bolyp tabylady. Al zańda qamtylyp otyrǵan ózgerister men tolyqtyrýlarǵa 2010 jylǵy sáýirdiń 16-synda Máskeý qalasynda qol qoıylǵan bolatyn.
