Senat Keden odaǵy aıasyndaǵy veterınarııalyq-sanıtarııalyq máselelerdi qamtyǵan zańdy qabyldady
A. Maýsymnyń 17-si. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Keden odaǵynyń veterınarııalyq-sanıtarııalyq sharalar jónindegi kelisimin ratıfıkatsııalaý týraly»,
sondaı-aq «Keden odaǵynyń sanıtarııalyq sharalar jónindegi kelisimin ratıfıkatsııalaý týraly» Zańdaryn qabyldady.
Atalǵan veterınarııalyq-sanıtarııalyq sharalar jónindegi kelisim keden odaǵynyń osy saladaǵy qaýipsizdigin qamtamasyz etýde biryńǵaı kózqarasty reglamentteıtin, negizge alynatyn normatıvtik quqyqtyq akti bolyp tabylady. Kelisim Taraptarǵa keden odaǵynyń veterınarııalyq-sanıtarııalyq qaýipsizdiginiń biryńǵaı júıesin qurýǵa jáne veterınarııalyq-sanıtarııalyq talaptar men sharalardy qoldaný salasynda kelisilgen saıasat júrgizýge múmkindik beredi. Bul keden odaǵynyń aýmaǵyn janýarlardyń juqpaly aýrýlary qozdyrǵyshtarynyń ákelýinen jáne taralýynan qorǵaýdy ári ekonomıkalyq shyǵyndy azaıtýdy qamtamasyz etedi. Sonymen qatar, veterınarııalyq-sanıtarııalyq baqylaýǵa jatatyn ónimniń halyqaralyq saýdasyndaǵy kedergilerdi joıýǵa múkindik beredi.
Ekinshi zańnyń maqsaty keden odaǵynyń kedendik aýmaǵyn ınfektsııalyq jáne jappaı ınfektsııalyq aýrýlardyń halyq arasynda taralýynan jáne sanıtarııalyq-epıdemologııalyq talaptarǵa sáıkes kelmeıtin ónimniń ákeýinen qorǵaýdy qamtamasyz etý bolyp tabylady. Qujat boıynsha keden odaǵynyń shekarasynda kedendik shekarany kesip ótetin adamdar men kólik quraldaryn, taýarlardy sanıtarııalyq-epıdemıologııalyq qadaǵalaýdy Biryńǵaı sanıtarııalyq talaptarǵa sáıkes júzege asyrý qarastyrylady.
