Senat Keden kodeksin qoldanysqa engizý týraly zańdy qabyldady
aýsymnyń 10-y. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Qazaqstan Respýblıkasyndaǵy keden isi týraly» Qazaqstan Respýblıkasynyń Kodeksin qoldanysqa engizý týraly» zańyn qabyldady. Endi qujat Memleket basshysynyń qol qoıýyna jiberiledi.
Atalǵan zań «Qazaqstan Respýblıkasynyń keden isi týraly» Kodeksiniń jobasyn iske asyrý jáne qoldanysqa engizý maqsatynda ázirlengen. Osyǵan oraı, qujatpen Keden kodeksin, syrtqy ekonomıkalyq qyzmettiń jekelegen qatysýshylary úshin onyń jekelegen normalaryn qoldanysqa engizýdiń kezeńdiligi jáne ótpeli erejelerdiń bolýy eskerile otyryp, 2010 jylǵy shildeniń 1-inen bastap qoldanysqa engizý kózdeledi.
Bul rette syrtqy ekonomıkalyq qyzmetke qatysýshylar úshin ótpeli erejeler Keden isi týraly kodeks qoldanysqa engizilgenge deıin keden organynda kedendik deklaratsııasy qabyldanǵan (tirkelgen) taýarlar keden organy osy kedendik deklaratsııany qabyldaǵan kúngi keden odaǵyna qatysýshy memleketterdiń zańnamasynda belgilengen tártippen jáne sharttarmen málimdelgen kedendik rejımmen ornalastyrýǵa jatady.
