Senat Qazaqstan men Túrkııanyń áýe keńistigin áýe kemelerin ózara tranzıtteýge múmkindik beretin zańdy maquldady
ASTANA. KAZINFORM – Qazaqstan Úkimeti men Túrkııa Úkimeti arasyndaǵy eki eldiń áýe keńistigi arqyly áskerı múlik pen personaldy tranzıtteý týraly kelisimdi ratıfıkatsııalaýǵa arnalǵan zańdy maquldady.
Qujatty tanystyrǵan senator Darhan Qydyráli kelisimge 2024 jyly qol qoıylǵanyn eske saldy.
- Kelisim Qazaqstan Respýblıkasyna BUU-nyń bitimgershilik mıssııalary sheńberinde belgilengen jerlerge jetý úshin Túrkııa áýe keńistigin júıeli túrde paıdalanýǵa múmkindik beredi, - dedi ol.
Depýtat «Ulttyq qaýipsizdik týraly» Zańda Qazaqstan aýmaǵy arqyly shet memlekettiń áskerı qurylymdaryn, qarý-jaraǵy men áskerı tehnıkasyn tranzıtteýge arnaıy kelisimder men ruqsattar arqyly ǵana jol beriletinin aıtty.
- Kelisimdi ratıfıkatsııalaý áýe kemelerine eki memlekettiń áýe keńistigin paıdalanýǵa múmkindik beredi, - dedi Darhan Qydyráli.
Buǵan deıin Qazaqstan men Túrkııa saýda aınalymyn 15 mlrd dollarǵa jetkizýdi kózdep otyrǵanyn jazǵan edik.
