Senat: Qazaqstan men Armenııa arasyndaǵy yntymaqtastyqty damytý máselesi talqylandy

NUR-SULTAN. QazAqparat - Parlament Senatynda depýtattar Álimjan Qurtaev, Mıhaıl Bortnık, Erik Sultanov jáne Armenııanyń Qazaqstandaǵy elshisi Gagık Galachıannyń kezdesýi boldy, dep habarlaıdy QazAqparat joǵary palatanyń baspasóz qyzmetine silteme jasap.

Júzdesýde eki jaqty qatynastardy damytýdyń, atap aıtqanda kólik-logıstıka baǵdary men kásipkerlik qyzmetti júrgizýdiń múmkindikterin keńeıtýge qatysty aýqymdy máseleler qaraldy.

Qazaqstannan Armenııaǵa baǵaly metaldardy ýaqytsha áketýdi zańnamalyq retteý taqyryby bólek qaraldy.

Taraptar sondaı-aq 2020 jyly ótetin Qazaqstan-Armıan bıznes-forýmyn ótkizýdi de talqylady.

Kezdesý qorytyndysy boıynsha talqylanǵan máseleler boıynsha taldaý júrgizý jáne usynystar ázirleý jónindegi jumys tobyn qurý týraly sheshim qabyldandy.

Qazaqstan Respýblıkasy Parlamenti Senatynyń Tóraǵasy Darıǵa Nazarbaeva 14 qarashada Armenııaǵa resmı saparmen barǵan bolatyn, onda Qazaqstan men Armenııanyń ekonomıkalyq jáne gýmanıtarlyq salalardaǵy qatynastaryn odan ári keńeıtý máseleleri talqylandy.