Senat Iranmen saýdany jańa deńgeıge shyǵarýǵa arnalǵan zańdy maquldady

ASTANA. KAZINFORM — Búgin Senattyń jalpy otyrysynda «Bir taraptan Eýrazııalyq ekonomıkalyq odaq pen oǵan múshe memleketter jáne ekinshi taraptan Iran Islam Respýblıkasy arasyndaǵy erkin saýda týraly kelisimdi ratıfıkatsııalaý týraly» Zańy maquldandy.

Kelisim 2023 jylǵy 25 jeltoqsanda Sankt-Peterbor qalasynda jasaldy.

- Qarastyrylyp otyrǵan zańnyń negizgi maqsaty - Kelisim taraptarynyń saýda-ekonomıkalyq yntymaqtastyǵyn keńeıtý, taýar nomenklatýrasynyń keń bóligine qatysty bajsyz saýda rejımin qamtamasyz etý. Búgingi tańda bizdiń elderimiz arasynda taýarlardyń shekteýli tizbesine saýdanyń preferentsııalyq rejımi qoldanylady. Osy kelisim taýar nomenklatýrasynyń keń bóligine qatysty Eýrazııalyq ekonomıkalyq odaq pen Iran arasyndaǵy – tıisinshe 87-88% bajsyz saýda rejımin qamtamasyz etedi. Qujat aıasynda Iran kóptegen taýarlar boıynsha bajdardy alyp tastaýǵa jáne negizsiz tyıymdardy qoldanbaýǵa mindetteme alady. Osylaısha, Kelisim saýda-sattyqtyń boljamdy rejımin qamtamasyz etedi, - dedi senator Baýyrjan Qanıev.

Sonymen qatar, kelisim ishki naryqty qorǵaý sharalaryn, tehnıkalyq kedergilerdi, sanıtarlyq jáne fıtosanıtarlyq sharalardy, taýarlardyń shyǵý tegin anyqtaý erejelerin, kedendik yntymaqtastyqty ári saýda rásimderin jeńildetýdi, daýlardy sheshýdi retteıdi.

Eske salsaq, bıyl kúzde Qazaqstan men Iran týrızm jáne sport salasyndaǵy yntymaqtastyqtyń damý bolashaǵyn talqylady.