Senat ındýstrııalyq-ınnovatsııalyq qyzmetti memlekettik qoldaý týraly Zańdy qabyldady
Atalǵan Zań Memleket basshysynyń Jarlyǵymen bekitilgen údemeli ındistrııalyq-ınnovatsııalyq damý jónindegi 2010-2014 jyldarǵa arnalǵan memlekettik baǵdarlamany iske asyrý maqsatynda ázirlendi. Qujat ekonomıkanyń basym sektorlaryn damytýdy yntalandyrý negizinde ulttyq ekonomıkanyń básekege qabilettiligin arttyrýǵa baǵyttalady. Bul rette Zań arqyly ulttyq ekonomıkany qarqyndy ındýstrııalyq-ınnovatsııalyq damytý úshin quqyqtyq jáne ekonomıkalyq jaǵdaılar jasalyp, ındýstrııalyq qyzmetti yntalandyrý, joǵary tehnologııalyq ǵylymdy qajet etetin jáne básekege qabiletti óndiristerdi engizý kózdeledi. Budan bólek ındýstrııalyq-ınnovatsııalyq bıznesti qalyptastyrý, jańa tehnologııalardy engizý respýblıka óńirleriniń keshendi jáne utymdy ındýstrııalyq damýyn qamtamasyz etý sharalary aıqyndalady. Zań jobasyn talqylaý barysynda Senat Májilis maquldaǵan qujatqa birqatar túzetýler engizip, olardy qabyldady. Atap aıtqanda Úkimettiń, memlekettik organdar men jergilikti atqarýshy bıliktiń ındýstrııalyq-ınnovatsııalyq qyzmet salasyndaǵy quzyretin retteıtin normalar naqtylandy. Bul rette Úkimettiń quzyreti osy saladaǵy qyzmetti memlekettik qoldaý saıasatynyń negizgi baǵytyn ázirleý jáne olardyń júzege asyrylýyn uıymdastyrý bolyp bekitildi. Al jergilikti atqarýshy organdardyń fýnktsııalary salalyq baǵdarlamalardyń ınnovatsııalaryn óńirlik deńgeıde damytý bóliginde kúsheıtildi. Sondaı-aq birqatar uǵymdar naqtylanyp, keıbir uǵymdar alynyp tastaldy. Budan basqa, ındýstrıalyq-ınnovatsııalyq qyzmetti memlekettik qoldaý týraly zańnamany buzǵany úshin jaýaptylyq kózdeıtin jańa bap engizildi.
Senat qabyldaǵan zań Memleket basshysynyń qol qoıýyna jiberiledi.
