Senat halyqaralyq sharttar boıynsha qujatty qabyldady

NUR-SULTAN. QazAqparat – Parlament Senatynyń jalpy otyrysynda «Qazaqstan Respýblıkasynyń halyqaralyq sharttary týraly» Qazaqstan Respýblıkasynyń Zańyna ózgerister men tolyqtyrýlar engizý týraly» Zańy qabyldandy, dep habarlaıdy QazAqparat tilshisi.

Qujat halyqaralyq sharttar boıynsha zańnamany odan ári jetildirý maqsatynda ázirlendi. Ony Parlament depýtattary daıarlady.

«Joba 1969 jylǵy 23 mamyrdaǵy Halyqaralyq sharttar quqyǵy týraly Vena konventsııasyna sáıkes keltirýge, sondaı-aq olqylyqtar men qaıshylyqtardy joıýǵa baǵyttalǵan», - dedi Qazaqstan Respýblıkasy Parlamenti Májilisiniń Halyqaralyq ister, qorǵanys jáne qaýipsizdik komıtetiniń tóraıymy Aıgúl Quspan.

Zań jobasynda «dáıekteý» jáne «halyqaralyq shart jasasý» uǵymdarynyń anyqtamalary qaıta qaraldy, «qol qoıý» men «ókilettik» uǵymdary naqtylandy.

Osy oraıda qujattyń erejesi Qazaqstan Respýblıkasynyń halyqaralyq sharttary salasyndaǵy quqyqtyq qatynastardy jetildirýge baǵyttalǵan.