Senat: Gaaga konferentsııasynyń Jarǵysyn ratıfıkatsııalaý týraly zań jobasy qaraldy

Halyqaralyq jeke quqyq jónindegi Gaaga konferentsııasynyń maqsaty halyqaralyq jeke quqyqtyń erejelerin birte-birte ýnıfıkatsııalaýǵa umtylý bolyp tabylady. Onyń quramyna 79 el men Eýropalyq Odaq enip, 80 múshege jetti.

Búgingi tańda Gaaga konferentsııasynyń aıasynda 39 konventsııa jasalǵan bolsa, bizdiń elimiz olardyń 8-in ratıfıtsııalady.

Bizdiń elimizdiń Gaaga konferentsııasyna múshe bolýy Qazaqstan quqyq júıesiniń álemdik standarttardy eskere otyryp, odan ári damýyna, qazaqstandyq azamattardyń shet elderdegi múddeleri men quqyqtarynyń qorǵalý tıimdiligin arttyrýǵa yqpal etedi.

Gaaga konferentsııasynyń quramyna ený Qazaqstanǵa ortaq ister men saıasat jónindegi keńeske qatysýǵa, konventsııa jobalaryn ázirleý úshin arnaıy komıssııalar jumysyna qatysýǵa nemese Gaaga konferentsııasy jumysynyń aıasynda halyqaralyq jeke quqyqtyń barlyq máselelerin zerdeleýge, Gaaga konventsııasyna úılestirýdi taldaý barysynda Gaaga konferentsııasy men onyń músheleriniń saraptamalyq (tehnıkalyq) kómegin alýǵa, nemese ózge Gaaga konventsııalaryna qosylýdyń ıimdiligi máselelerin qarastyrýǵa múmkindik beredi.

Zań jobasy Palata qaraýyna jiberildi.