Senat Eýrazııa damý bankiniń Reseıge tıesili úlesin satyp alý týraly qujatty qabyldady

ASTANA. QazAqparat – Senattyń jalpy otyrysynda Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Eýrazııa damý bankiniń tólengen jarǵylyq kapıtalyndaǵy Reseı Federatsııasy úlesiniń bir bóligin satyp alý jáne satý týraly kelisimdi ratıfıkatsııalaýdy kózdeıtin zań qabyldandy, dep habarlaıdy QazAqparat tilshisi.

Zań jobasyn tanystyrǵan Premer-Mınıstrdiń orynbasary – Qarjy mınıstri Erulan Jamaýbaev atalǵan kelisim boıynsha Qazaqstannyń Eýrazııa damý bankindegi úlesi artatynyn atap ótti.

«Bıylǵy 2 naýryzdaǵy Qazaqstan Úkimetiniń qaýlysy boıynsha, satyp alý jáne satý týraly kelisimge 6 naýryzda qol qoıylǵan bolatyn. Kelisim boıynsha, banktiń jarǵy kapıtalyndaǵy Qazaqstannyń úlesi 4,3 paıyzǵa ulǵaıady. Qazaqstan Respýblıkasynyń jáne basqa aktsıoner elderdiń úlesi ósknedikten, tıisinshe, Reseı Federatsııasynyń úlesi azaıady. Bul banktiń aktsıonerlik qurylymyn ártaraptandyryp, onyń qyzmetiniń táýekelderin azaıtýǵa múmkindik beredi. Jalpy osy ózgeris bank úshin qarjylandyrýǵa qoljetimdilikti qamtamasyz etip, reıtıngter men kredıtteýdiń qazirgi mólsherlemelerin saqtaýǵa múmkindik beredi», - dedi mınıstr.

Senat depýtattary zań jobasyn qabyldaý týraly sheshim shyǵardy.