Senat erekshe qorǵalatyn tabıǵı aýmaqtarǵa qatysty zańdy qabyldady
NUR-SULTAN. QazAqparat – Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine erekshe qorǵalatyn tabıǵı aýmaqtar máseleleri boıynsha ózgerister men tolyqtyrýlar engizý týraly» Zańy qabyldandy, dep habarlaıdy QazAqparat tilshisi.
«Qaralyp otyrǵan Zań jobasynyń negizgi maqsaty - týrızm obektilerin, erekshe mańyzy bar qurylystardy salý jáne olardyń jumys isteýi úshin buryn shyǵarylǵan, maqsaty boıynsha paıdalanbaǵan jerlerdi erekshe qorǵalatyn tabıǵı aýmaqtar quramyna qaıtarý rásimin ońaılatý. Zań jobasymen Jer kodeksine jáne «Erekshe qorǵalatyn tabıǵı aýmaqtar týraly» Zańyna ózgerister men tolyqtyrýlar engizilip otyr», - dedi senator Ábdáli Nuralıev.
Zań jobasy 10 qyrkúıekte Senat otyrysynda birinshi oqylymda maquldandy.
«15 qyrkúıekte Komıtettiń keńeıtilgen otyrysy ótkizildi. Zań jobasy boıynsha Senattyń turaqty komıtetteri men depýtattarynan usynystar kelip túsken joq», - dep naqtylady depýtat.
Qaralyp otyrǵan zań jobasyń qabyldaý arqyly atalǵan máselelerdi sheshýmen qatar: erekshe ekologııalyq, ǵylymı, tarıhı-mádenı qundylyǵy bar ári keri qaıtarylatyn jer ýchaskelerinde ornalasqan tabıǵı keshenderdi jáne tabıǵı-qoryq obektilerin saqtaý, ekologııalyq týrızmdi damytý men tabıǵat qorǵaý mekemeleriniń óz qarajatyn ulǵaıtý múmkindikteri bolady kútilýde.
