Senat: Eńbek qaýipsizdigine qoıylatyn talaptar qatańdatylady

ASTANA. QazAqparat – Senat tóraǵasy Máýlen Áshimbaev Qaraǵandy oblysyndaǵy Lenın atyndaǵy shahtada shahterler qazasynan keıin kináliler jaýapqa tartylatynyna senim bildirdi, dep habarlaıdy QazAqparat tilshisi.

«Senatorlar maýsym aıynda eńbek qaýipsizdigine qoıylatyn talaptardy qatańdatý týraly zań jobasyn daıyndady. Onyń ishinde ınspektorlardyń ókilettikteri boıynsha, múmkindiginshe jospardan tys tekserýler bar. Qosymsha usynystar daıyndaý aıasynda (Úkimet óz jaǵynan) senatorlardyń túzetýlerin eskerý týraly ótinish jasaldy. Barlyǵy birge jumys isteýi kerek, osyndaı tótenshe jaǵdaılar men tragedııalar úshin jaýapkershilikti kúsheıtetin normalar qabyldanýy tıis. Bul normalar Qazaqstanda mundaı oqıǵalar eshqashan qaıtalanbaýy úshin jumys isteıdi dep úmittenemiz. Bárimizdiń jedel jáne sapaly jumys isteýimiz mańyzdy», - dep atap ótti M. Áshimbaev Senattyń jalpy otyrysynda Úkimet basshylyǵyna qarata aıtqan sózinde.

Budan buryn habarlanǵandaı, Premer-Mınıstr Álıhan Smaıylov Qazaqstanda ónerkásiptegi qaýipsizdik talaptary qaıta qaralatynyn aıtty.