Senat Elbasy Joldaýyn zańnamalyq qamtamasyz etýge basa nazar aýdarady
ASTANA. QazAqparat - Búgin Qasym-Jomart Toqaevtyń tóraǵalyǵymen Senat Bıýrosynyń otyrysy ótip, onda jeltoqsannyń onynda ótetin kezekti jalpy otyrystyń kún tártibi naqtylandy. Sonymen qatar, Senat spıkeri QR Prezıdenti N.Nazarbaevtyń «Qazaqstan jańa jahandyq naqty ahýalda: ósim, reformalar, damý» atty Joldaýyn halyqqa túsindirý men júzege asyrý boıynsha birqatar mindetterdi júktedi. Bul týraly Palatanyń baspasóz qyzmetinen habarlandy.
«Memleket basshysy qarjy sektoryn turaqtandyrý, bıýdjettik saıasatty ońtaılandyrý, jekeshelendirýdi yntalandyrý jáne ekonomıkanyń básekege qabilettiligi baǵyttary boıynsha jaqyn aralyqta sharalar qabyldaýdy tapsyrdy», - dep atap ótti Q.Toqaev. Spıkerdiń pikirinshe, álemdik ekonomıkanyń týrbýlenttiligi jáne halyqaralyq qatynastardyń turaqsyzdyǵyn esepke alǵanda, bul jolǵy Joldaý erekshe mánge ıe bolyp otyr.
«Joldaýda ýaqyt týdyryp otyrǵan qaterlerge barabar jaýaptardy qarastyratyn naqty sharalar qamtylyp otyr. Osyǵan baılanysty, Senattyń jumysy negizinen Memleket basshysynyń tapsyrmalaryn zańnamalyq qamtamasyz etýge, sondaı-aq Joldaýdyń negizgi erejelerin óńirlerde túsindirýge baǵyttalady, - dedi Senat Tóraǵasy.
Aıta keterligi, Palatanyń jalpy otyrysynyń kún tártibine QR Prezıdentiniń usynýymen QR Joǵarǵy Sotynyń sýdıalaryn taǵaıyndaýmen qatar, eki zań jobasyn talqylaý shyǵarylady.
