Senat ekologııalyq máseleler boıynsha ózgeris engizilgen jobany Májiliske jiberdi
TANA. 6 qazan. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine ekologııalyq máseleler boıynsha ózgerister men tolyqtyrýlar engizý týraly» zań jobasyn ekinshi oqylymda talqylady. Qujatqa senatorlar tarapynan birqatar ózgerister engizilgendikten joba Májiliske qaıtaryldy.
Esterińizge sala keteıik, zań jobasy ekologııalyq taza óndiristerdi damytý, qorshaǵan orta emıssııalarynyń kólemin azaıtý, sondaı-aq ekologııalyq quqyq buzýshylyqtarǵa qarsy tıimdi áreket etý maqsatynda ázirlengen. Bul rette qujat normalarymen ekologııalyq quqyq buzýshylyqtar men qylmystar jasaǵany úshin jaýaptylyqty kúsheıtý kózdeledi. Osyǵan oraı, zań jobasymen birqatar qoldanystaǵy zańnamalarǵa ózgerister engizilip otyr. Bul rette Ekologııalyq kodekske engiziletin ózgerister parnıktik gazdardy túgendeýge qoıylatyn talaptardy naqtylaıdy. Shyǵaryndylardy esepke alýdy júrgizý men kadastrlaryn ázirleýge qoıylatyn talaptardy retke keltiredi. Parnıktik gazdar shyǵaryndylaryna kvota bólýdiń jańa tetigin engizedi. Budan bólek, zań jobasymen jınaqtalǵan qaldyqtardyń kólemin azaıtýdy yntalandyrý maqsatynda Salyq kodeksinde qaldyqtardyń jınaqtalǵan kólemi úshin tólem alýdyń jańa tetigin qoldanýdy aıqyndaıtyn normalar kózdelip otyr.
Qujatty talqylaý barysynda senatorlar tarapynan birqatar túzetýler jasaldy. Olardyń basym bóligi redaktsııalyq naqtylaý sıpatynda bolyp tabylady.
