Senat ekologııa máseleleri jónindegi zań jobasyn birinshi oqylymda maquldady
TANA. 29 qyrkúıek. QazAqparat /Marlan Jıembaı/ - QR Parlamentiniń Senaty «Qazaqstan Respýblıkasynyń keıbir zańnamalyq aktilerine ekologııalyq máseleler boıynsha ózgerister men tolyqtyrýlar engizý» týraly QR Zańynyń jobasyn birinshi oqylymda maquldady.
Atalǵan qujat boıynsha baıandama jasaǵan QR Qorshaǵan ortany qorǵaý mınıstri Nurǵalı Áshimniń atap ótýinshe, zań jobasy qaldyqtardyń jınaqtalý kólemin azaıtý, naryqtyq tetikter engizý jolymen parnıkti gazdar shyǵaryndylaryn tómendetý jáne ekologııalyq quqyq buzýshylyqtar úshin ákimshilik jaýapkershilikti kúsheıtýge baǵyttalǵan.
Zań jobasymen Qylmystyq kodekske, Ákimshilik quqyq buzýshylyq týraly kodekske, Ekologııalyq kodekske, Bıýdjet kodeksine, «Bankrottyq týraly», «Janýarlar dúnıesin qorǵaý, ósimin molaıtý jáne paıdalaný týraly», «Memlekettik satyp alý týraly» QR Zańdaryna ózgerister men tolyqtyrýlar engizý usynylady.
