Senat ekinshi deńgeıdegi bankterdiń kepildik saıasatyn jetildiretin zań jobasyn Májiliske qaıtardy
«Qazaqstan Respýblıkasynyń keıbir zańnamalyq aktilerine memlekettik basqarý, ekinshi deńgeıdegi bankterdiń kepildik saıasatyn, baǵalaý qyzmetin retteýdi jáne atqarýshylyq is júrgizýdi jetildirý máseleleri boıynsha ózgerister men tolyqtyrýlar engizý týraly» Qazaqstan Respýblıkasy zańynyń jobasy talqylaý jáne ony ekinshi oqylymǵa ázirleý barysynda birqatar ózgerister men tolyqtyrýlar engizý qajettigi anyqtaldy.
Atap aıtqanda, EAEO-nyń «Alkogol óniminiń qaýipsizdigi týraly» tehnıkalyq reglamentiniń kúshine ený kúniniń ózgerýine baılanysty Úkimettiń alkogol ónimine eń tómen bólshek saýda baǵalaryn belgileý quzyreti bóliginde osy quzyretten «spırtti ishimdikter» degen sózderdi alyp tastaı otyryp, Kásipkerlik kodekske sáıkes keltirý qajet. Budan basqa, «Etıl spırti men alkogol óniminiń óndirilýin jáne aınalymyn memlekettik retteý týraly» Qazaqstan Respýblıkasynyń Zańyna «tolysylǵan sharap» jáne «syra qaınatý ónimi» uǵymdaryn engizý kerek.
Sondaı-aq, «Qazaqstan Respýblıkasynyń keıbir zańnamalyq aktilerine tehnıkalyq retteý, kásipkerlik, memlekettik basqarý júıesin jetildirý jáne tólemder máseleleri boıynsha ózgerister men tolyqtyrýlar engizý týraly» 2020 jylǵy 30 jeltoqsandaǵy QR Zańynda tehnıkalyq reglamentke silteme normalary bar túzetýlerdi engizý merzimin 2022 jyldyi 1 qańtarynan 2024 jyldyń 1 qańtaryna aýystyrý qajet.
Kórsetilgen túzetýlerdi qabyldaý Salyq kodeksiniń jáne 2022 jylǵy 1 qańtardan bastap qoldanysqa engizilýge tıis «Ruqsattar jáne habarlamalar týraly» Qazaqstan Respýblıkasy Zańynyń normalaryna sáıkes keledi.
