Senat EAEO-nyń laýazymdy adamdaryna qatysty qujatty qabyldady
Hattamany qabyldaýdyń maqsaty – RF azamattary bolyp sanalatyn Eýrazııalyq ekonomıkalyq komıssııanyń jáne Eýrazııalyq ekonomıkalyq odaq sotynyń laýazymdy adamdary men qyzmetkerlerine Reseı Federatsııasynyń zańnamasyna sáıkes eńbek sińirgen jyldary úshin zeınetaqy taǵaıyndaý quqyǵyn berý.
«Qaralyp otyrǵan qujat Reseı Federatsııasyny azamattary bolyp sanalatyn Eýrazııalyq ekonomıkalyq komıssııasynyń jáne odaq sotynyń laýazymdy adamdary men qyzmetkerlerin zeınetaqymen qamsyzdandyrý máselelerin retteıdi. Sharttyń 32-qosymshasyndaǵy 53-tarmaǵyna usynylyp otyrǵan ózgeristerge sáıkes, memlekettik qyzmettiń túrleri (memlekettik azamattyq, áskerı, ózge de túrleri) boıynsha eńbek ótili bar adamdarǵa zeınetaqy tólemderin alýǵa múmkindik beriletin bolady», - dedi senator Narıman Tóreǵalıev palatynyń jalpy otyrysynda.
Atap aıtqanda, hattamanyń Qazaqstan azamattaryna tikeleı qatysy joq.
«Bizdiń elimiz EAEO-nyń tolyqqandy múshesi, sondaı-aq Eýrazııalyq ekonomıkalyq odaq týraly sharttyń mazmunynda adam jáne azamattyń quqyqtary men bostandyqtary qamtylǵanyn eskere otyryp, biz atalǵan máseleni qaraýymyz kerek. Qaralyp otyrǵan hattamany ratıfıkatsııalaý úshin eshqandaı kedergi joq dep esepteımin», - dedi depýtat.
