Senat depýtatynyń 1 mandatyna 5 úmitkerden keledi

NUR-SULTAN. QazAqparat - Senat depýtatynyń 1 mandatyna 5 úmitkerden keledi. Bul týraly QR Ortalyq saılaý komıssııasynyń tóraǵasy Berik Imashev aıtty, dep habarlaıdy QazAqparat tilshisi.

Onyń atap ótýinshe, Parlamenttiń joǵary palatasyna ortasha eseppen 5 adam bir orynǵa úmitker bolyp otyr.

«Bıylǵy jyly úmitkerlerdiń eń kóp sany Almaty oblysynda – 9, Nur-Sultan qalasynda – 8, Almaty qalasynda - 7 adamnan usynyldy. Eń azy – 4 úmitkerden Shyǵys Qazaqstan, Qostanaı oblystarynda jáne Shymkent qalasynda usynylyp otyr. Usyný tártibine keler bolsaq, kandıdattardyń 87 paıyzy ózin-ózi usynýshylar, al 13 paıyzyn máslıhattar usynǵan», - dedi Berik Imashev.

Onyń dereginshe, kandıdattardyń ortasha jasy - 50,8. Eń jas úmitker 30 jasta. Al úmitkerler arasyndaǵy eń joǵary jas - 69.