Senat depýtaty Rashıt Ahmetov Halyqaralyq valıýta qorynyń Qazaqstandaǵy mıssııa basshysy Ana Lıýsııa Koronelmen kezdesti

ASTANA. 4 mamyr. QazAqparat - Senattyń Qarjy jáne bıýdjet komıtetiniń tóraǵasy Rashıt Ahmetovtiń Halyqaralyq valıýta qory (HVQ) Qazaqstandaǵy mıssııasynyń basshysy Ana Lıýsııa Koronelmen kezdesýinde bank salasyn zańnamalyq turǵyda retteý,

qarjy sektoryn nyǵaıtý máseleleri talqylandy.

Áńgime barysynda bank qyzmetin jáne qarjy uıymdaryndaǵy táýekelderdi azaıtý bóligin retteý máseleleri boıynsha qoldanystaǵy zańnamaǵa keıingi kezde engizilgen ózgeristerge erekshe nazar aýdaryldy.

Atap aıtqanda, qarjy uıymdarynyń qyzmetine talaptardy kúsheıtý jáne bank aktıvterin jaqsartýǵa baǵyttalǵan erejeler atalyp ótildi.

Kezdesýde sondaı-aq Qazaqstannyń keleshektegi orta merzimge arnalǵan qarjy-ekonomıkalyq damýy máseleleri boıynsha pikir almasyldy.