Senat depýtaty Qoldau.kz portalyn memleket menshigine alýdy usyndy
Senatordyń sózine qaraǵanda, zań boıynsha sýbsıdııa taǵaıyndaý týraly ótinishter berý qyzmetteri elektrondyq úkimettiń veb-portaly arqyly tegin kórsetilýi kerek. Alaıda, atalmysh portalda áli kúnge deıin mundaı memlekettik qyzmetterdi kórsetýge arnalǵan bólim jasalmaǵan.
«Elektrondyq úkimet» veb-portaly arqyly ótinish berý múmkindiginiń bolmaýyna baılanysty kásipkerler Qoldau.kz servısine qol jetkizý úshin jyl saıyn abonenttik tólem jasap keledi. Qazirgi ýaqytta atalǵan platformada 200 myńnan astam aýyl sharýashylyǵy kásipkerleri tirkelgen, olar servısti paıdalaný múmkindigi úshin jyl saıyn 2 mlrd teńgege jýyq tólem tóleýge májbúr bolyp otyr», - dedi Andreı Lýkın.
Depýtat osyǵan baılanysty «Elektrondyq úkimet» veb-portalynda tegin balama qyzmet kórsetýdi jasaý, sondaı-aq Qoldau.kz aqparattyq júıesin memlekettik menshikke aýystyrý máselesin qaraý týraly usynysyn aıtty.
