Senat depýtaty eldegi mektep oqýlyqtarynyń sapasyna alańdaýshylyǵyn bildirdi

dep habarlaıdy QazAqparat.

Onyń sózine qaraǵanda, respýblıkalyq qoǵamdyq-saıası basylym «Alash aınasy» basylymynyń №65 sanynda «Oqýshyny da, oqytýshyny da adastyrǵan oqýlyq» atty maqala jaryq kórdi. «Onda sońǵy jyldary shyqqan oqýlyqtardyń 64 paıyzynyń sapasy syn kótermeıtindigi aıtylǵan. Al osy maqala tóńireginde pikirlerin bildirgen mamandar qoldanysta júrgen matematıka pániniń oqýlyǵy múldem talapqa saı emestigin aıtqan. Al Qanysh Sátbaev atyndaǵy Qazaq Ulttyq tehnıkalyq ýnıversıtetiniń dotsenti Kámıla Búkibaeva matematıka oqýlyqtaryndaǵy óreskel qatelikterdiń biri - ondaǵy jattyǵýlar qate, sheshýleri shyqpaıdy jáne eseptiń jaýabymen sáıkes kelmeıtindigin aıtqan. «Bul oqýlyqtardyń barlyǵy memleketten bólinip otyrǵan mol qarjynyń arqasynda shyqty. Al onyń sapasyna kim jaýap beredi. Biz damyǵan elder qataryna qosylýymyz kerek, jastarymyz básekege qabiletti bolýy qajet deımiz. Bul bıik muratqa jetýdiń basty quraly oqýlyqtar, al ony daıyndaýdaǵy keleńsiz jaıttar osyǵan tusaý bolmaı ma», degen qynjylysyn bildirdi depýtat.

Sondaı-aq ol oqýlyqtardyń avtorlary shetel azamatttary ekendigin aıta kele «Sonda, bizdiń óz elimizde sapaly oqý quralyn daıyndaýǵa qabiletti bir ǵalymnyń ne mamannyń bolmaǵany ma? Eger shynymen osylaı bolsa, bul bizdiń eldigimizge syn jáne ony memlekettik deńgeıde qaraý qajet», dep atap kórsetti.