Senat depýtaty Býrabaı demalys aýmaǵynyń ekologııalyq jaǵdaıyna alańdaýshylyq bildirdi

Búgin Parlament Senatynda «Qorshaǵan ortaǵa emıssııalar úshin tólemaqy qarjysyn jergilikti deńgeıde tıimdi paıdalaný máseleleri boıynsha zańnamany jetildirý» atty taqyrypta ótken dóńgelek ústel otyrysynda depýtat Qorshaǵan ortany qorǵaý mınıstriniń orynbasary Rýslan Bóltirikovti osy máseleden habardar etti.

Onyń aıtýynsha, Astana mańynda halyqtyń eń kóp baratyn jeri osy Býrabaı. Onyń ústine bıylǵy jyly arab elderinde bolǵan jáne álemniń ózge de aımaqtaryndaǵy túrli apattar men jaısyz oqıǵalarǵa baılanysty respýblıka halqy demalystaryn shet memleketterde emes, eldegi demalys oryndarynda ótkizip jatyr. «Al ondaǵy ekologııalyq jaǵdaı syn kótermeıdi. Memleket basshysy bul máseleni birneshe márte kóterdi. Alaıda Býrabaıdaǵy kóldi tazalaý sharalary áli qolǵa alynbaǵan»,-dedi depýtat.

Sondaı-aq senator sózinde qorshaǵan ortany qorǵaý salasyndaǵy basty máselelerdiń biri - turmystyq jáne kommýnaldyq qaldyqtarmen baılanysty ekendigin atyp kórsetti. «Bul másele elimizdiń barlyq aımaqtarynda bar. Al Astanada ol tipti asqynyp

tur. Múmkin bizge bir besjyldyq nemese úshjyldyq naýqan jarııalap, qorshaǵan ortaǵa baılanysty bólingen qarjynyń qomaqty bóligin osy máselege jumsaý qajet shyǵar. Áıtpese elorda mańynda tynyǵatyn da jer joq. Almatyda da solaı. Jerdiń betin turmystyq qaldyqtar jaýyp tur», -dedi T.Sımambaev.