Senat depýtaty «Almatylıft» JShS jumysshylarymen kezdesti
;ALMATY. Qarashanyń 24-i. QazAqparat /Erbol Azanbek/ - Búgin Almatyda QR Parlamenti Senatynyń depýtaty Aqan Bıjanov «Almatylıft» JShS ujymymen kezdesti,
dep habarlaıdy QazAqparat.
Kezdesý barysynda qazirgi ekonomıkalyq jaǵdaı, Elbasymen jaqynda ótken tikeleı efırde qozǵalǵan máselelerdi sheshý joldary, elimizdegi jáne eń iri megapolıs Almatydaǵy lıft sharýashylyǵynyń máseleleri sóz boldy.
«Almatylıft» ókilderiniń sózine qaraǵanda, qazirgi tańda elimizdegi lıfterdiń úshten biri aýystyrýdy qajet etedi. Al eń iri megapolıs Almatydaǵy úılerde 4 myń lıft bar. Bulardyń 299-y óziniń 25 jyldyq qyzmet merzimin aıaqtaǵan, sondyqtan olar tolyq aýystyrylýy tıis. Eger aýystyrylmasa, orny tolmas jaǵdaılar týyndaýy múmkin. Páter ıeleri kooperatıvteri men úı ıeleriniń bul lıfterdi aýystyrýǵa múmkindigi joq. Óıtkeni, 1 lıftiń quny 5 mıllıon teńge turady. Sondyqtan, bıyl qabyldanǵan 2010-2014 jyldarǵa arnalǵan keshendi jospardy júzege asyrý kezinde kondomınıým nysandaryn jóndeý úshin bıýdjettik qarjy bólý máselesi qaıta kóterilýi múmkin. Kezdesý barysynda «Almatylıft» ókilderi senatordan osy máseleniń sheshilýine atsalysýyn surady. Otyrysta bunymen qatar, jumysshylardyń áleýmettik máseleleri, zeınetaqy, turǵyn úı-kommýnaldyq sharýashylyǵyn jetildirý máseleleri aıtyldy.
