Senat depýtattyǵyna kandıdattardyń 95,5%-y ózin-ózi usynǵan – OSK
«Senat depýtattary saılaýyna barlyǵy 106 úmitker nıet bildirdi. Onyń ishinde 66 kandıdat talapqa saı kelip, resmı tirkeýden ótti. Básekelestik boıynsha, ortasha eseppen 1 orynǵa 3 adam talasady. Kandıdattardyń sany jaǵynan Almaty jáne Jambyl oblysynda basymdyq baıqalady. Sondaı-aq, Senat depýtattyǵyna kandıdattardyń 95,5%-y ózin-ózi usynǵandar. Qalǵan úmitkerlerdi jergilikti máslıhat usynyp otyr», - dedi Ortalyq saılaý komıssııasynyń tóraǵasy Nurlan Ábdirov komıssııa otyrysynda.
Kandıdat bolyp tirkelgenderdiń 43,9 %-y memlekettik qyzmetshiler. Odan bólek, qatardaǵy depýtattar, memlekettik mekemeler men uıym jumysshylary, kommertsııalyq qurylym jumysshylary bar. Sol sııaqty, partııalar jáne úkimettik emes uıym ókilderi de tirkelgender qatarynda.
Sondaı-aq, OSK tóraǵasy saılaýaldy úgit-nasıhat jumysynyń bastalǵanyn aıtty.
«2022 jylǵy 24 jeltoqsanda saǵat 18:00-den bastap resmı tirkelgen kandıdattar saılaýaldy úgit-nasıhat jumysyna kirisýine ruqsat», - deıdi ol.
Buǵan deıin habarlaǵanymyzdaı búgin Senat depýtattyǵyna kandıdattardy tirkeý aıaqtaldy.
Eske salaıyq, 2023 jyldyń 14 qańtarynda elimizdiń 20 óńirinen bir-bir Senat depýtatyn saılaý ótedi.
