Senat depýtattyǵyna kandıdattardy tirkeý boıynsha Ortalyq saılaý komıssııasyna 2 shaǵym túsken
ASTANA. 25 shilde. QazAqparat /Qanat Mámetqazyuly/ - 19 tamyzǵa belgilengen QR Parlamenti Senatynyń depýtattaryn saılaýǵa qatysty Senat depýtattyǵyna kandıdattardy tirkeý boıynsha Ortalyq saılaý komıssııasyna 2 shaǵym túsken.
Bul týraly búgin QR Ortalyq saılaý komıssııasynyń otyrysy barysynda OSK tóraǵasy Qýandyq Turǵanqulov málim etti.
«Búginge deıin Ortalyq saılaý komıssııasyna kelip túsken 2 shaǵym tirkeldi. Biz olardy Іshki ister mınıstrliginiń jáne basqa da tıisti vedomstvolardyń qatysýymen qarap shyǵyp, qajetti jaýaptaryn berdik. Sonymen qatar, Soltústik Qazaqstan oblysy boıynsha atalǵan máselege qatysty aýdandyq sot ta is qarady. Onda qazirgi Parlament Senaty depýtatynyń Soltústik Qazaqstan oblysy boıynsha kandıdattardyń birin tirkeý barysyndaǵy jiberilgen kemshilikterge qatysty shaǵymy qaraldy. Ol boıynsha depýtattyń bergen shaǵymy shyndyqqa sáıkespedi», - dedi Q. Turǵanqulov.
