Senat depýtattyǵyna barlyǵy 86 kandıdat usynyldy - OSK
ASTANA. 27 maýsym. QazAqparat - Ortalyq saılaý komıssııasynyń málimeti boıynsha 2011 jylǵy 26 maýsymdaǵy jaǵdaıǵa qaraǵanda QR Parlamenti Senaty depýtattyǵyna barlyǵy 86 kandıdat usynylǵan.
Olardyń ishinde Astana qalasy boıynsha - 5 adam, Almaty qalasy boıynsha - 7 adam, Aqmola oblysy boıynsha - 5 adam, Aqtóbe oblysy boıynsha - 4 adam, Almaty oblysy boıynsha - 4 adam, Atyraý oblysy boıynsha - 4 adam, Shyǵys Qazaqstan oblysy boıynsha - 5 adam, Jambyl oblysy boıynsha - 9 adam, Batys Qazaqstan oblysy boıynsha - 4 adam, Qaraǵandy oblysy boıynsha - 6 adam, Qostanaı oblysy boıynsha - 4 adam, Qyzylorda oblysy boıynsha - 8 adam, Mańǵystaý oblysy boıynsha - 4 adam,Pavlodar oblysy boıynsha - 4 adam, Soltústik Qazaqstan oblysy boıynsha - 7 adam, Ońtústik Qazaqstan oblysy boıynsha 6 adam bar.
15 adamdy máslıhattar usynǵan, taǵy 71 adam ózin-ózi usyný quqyǵyn paıdalanǵan. Usynylǵan kandıdattar arasynda 3 áıel bar.
86 úmitkerdiń 9-y - Qazaqstan Respýblıkasy Parlamenti Senatynyń qazirgi depýtattary bolyp tabylady (Almaty qalasy, Atyraý, Shyǵys Qazaqstan, Batys Qazaqstan, Qaraǵandy, Qostanaı, Qyzylorda, Soltústik Qazaqstan jáne Ońtústik Qazaqstan oblystary).
Usynylǵan kandıdattardyń 42-si - «Nur Otan» partııasynyń músheleri. «Aq Jol», «Aýyl», «Rýhanııat» partııalary men Qazaqstannyń patrıottar partııasynan bir-bir kandıdattan usynylǵan. 16 adam ózderiniń partııaǵa qatystylyǵyn kórsetpegen. 24 adam partııada joq.
Ortalyq saılaý komıssııasynyń kúntizbelik josparyna sáıkes, kandıdattardy usyný 19 shildege deıin júredi.
Kandıdattardy tirkeýdi oblystyq, Almaty jáne Astana qalalyq saılaý komıssııalary 29 shildege deıin júrgizedi.
Qazirgi sátte Senat depýtattyǵyna 39 kandıdat tirkelgen.
