Senat depýtattyǵyna barlyǵy 55 kandıdat tirkeldi
ASTANA. 25 shilde. QazAqparat /Qanat Mámetqazyuly/ - 25 shildedegi jaǵdaı boıynsha 2011 jylǵy 19 tamyzǵa taǵaıyndalǵan QR Parlamenti Senatynyń depýtattaryn saılaýǵa usynylǵan 92 kandıdattyń 55-i tirkelgen.
Bul týraly búgin QR Ortalyq saılaý komıssııasynyń otyrysy barysynda OSK hatshysy Baqyt Meldeshov málim etti.
Tirkelgen kandıdattardyń 14-in máslıhattar usynǵan bolsa, qalǵan 41-i ózin-ózi usynyp otyr. Tirkelgen 29 kandıdat «Nur Otan» halyqtyq demokratııalyq partııasynyń, 1-eýi - «Aýyl» sotsıal-demokratııalyq partııasynyń, 1-ýi - «Aqjol» demokratııalyq partııasynyń, 1-ýi - «Rýhanııat» partııasynyń múshesi. 15-i - partııada joq. 8 kandıdat - ózderiniń partııaǵa qatystylyǵyn kórsetpegen.
OSK hatshysynyń sózine qaraǵanda, Ortalyq saılaý komıssııasynyń qaýlysyna sáıkes, respýblıkanyń 15 óńiri úshin tirkeý merzimi 19 shildede aıaqtaldy. Tek Aqtóbe oblysynda kandıdattardy tirkeý 5 tamyzǵa deıin uzartyldy. «Basqa óńirlerdegi tirkelgen úmitkerler 30 shildeden bastap saılaýaldy úgit jumysyna kirise alady. Aqtóbe oblysyndaǵy kandıdattardy tirkeý 5 tamyzda aıaqtalyp, saılaý aldyndaǵy úgit 6 tamyzda bastalady. Senat depýtattaryn saılaý boıynsha daýys berý kúni burynǵysynsha - 2011 jylǵy 19 tamyz», - dedi B. Meldeshov.
