Senat depýtattarynyń saılaýynda halyqaralyq baıqaýshylar bolady
Qazaqstannyń halyqaralyq mindettemeleri, basqa elderdiń saılaý tájirıbesi, sondaı-aq elde turaqty akkredıttelgen sheteldik buqaralyq aqparat quraldary men dıplomatııalyq korpýstyń bolýy sııaqty faktorlardy eskere otyryp, Qazaqstan Respýblıkasy Ortalyq saılaý komıssııasy halyqaralyq baqylaý ınstıtýtyn ashý týraly qaýly qabyldady.
«Ózderińiz bilesizder, saılaý naýqanyn ótkizý tájirıbesinde sheteldik baıqaýdy ashý týraly sheshim Ortalyq saılaý komıssııasynyń otyrysynda qabyldanady. Elimizde qatań karantındik sharalar engizilgendikten, naýqan kezinde bul másele Syrtqy ister mınıstrligimen qosymsha pysyqtaldy. Qazaqstannyń halyqaralyq mindettemeleri, basqa elderdiń saılaý tájirıbesi, sondaı-aq elde turaqty akkredıttelgen sheteldik buqaralyq aqparat quraldary men dıplomatııalyq korpýstyń bolýy sııaqty faktorlardy eskere otyryp, tıisti qaýlynyń jobasy Ortalyq saılaý komıssııanyń qaraýyna engizilip otyr», - dedi QR OSK múshesi Anastasııa Şegortsova otyrys barasynda.
Osy oraıda ol qaýlynyń qaǵıdalaryna toqtaldy. Saılaý týraly Konstıtýtsııalyq Zańǵa sáıkes, tıisti baıqaý rásimi kózdelgen.
Shet memlekettiń, halyqaralyq uıymnyń baıqaýshysyna, sondaı-aq sheteldik BAQ ókiline bir aýdarmashy óziniń jeke basyn kýálandyratyn qujatyn kórsetken kezde ilesip júre alady.
Sheteldik BAQ ókili QR Syrtqy ister mınıstrligi bergen akkredıtteý týraly kýáligi bolǵan kezde saılaýda baıqaýdy júzege asyra alady.
Belgili bolǵandaı, shet memleketterdiń, halyqaralyq uıymdardyń baıqaýshylaryn akkredıtteýdi júrgizý 2020 jylǵy 6 tamyzda saǵat 18:00-de aıaqtalady.
OSK otyrysy barysynda halyqaralyq baqylaý ınstıtýtyn ashý týraly qaýly qabyldady.
Budan buryn habarlanǵandaı, búgin QR Ortalyq saılaý komıssııasynyń otyrysynda Parlament Senaty depýtattyǵyna kandıdattardy tirkeý kezeńiniń qorytyndylary qaraldy.
2020 jylǵy 24 shildedegi jaǵdaı boıynsha elimizde Senat depýtattyǵyna saılaý komıssııalary 58 kandıdatty tirkedi. Ortasha alǵanda bir orynǵa úsh úmitker bar.
Aıta keteıik, 2014 jyly saılanǵan Senat depýtattarynyń ókilettik merzimi osy jyldyń qazan aıynda aıaqtalady. Osylaısha, 2020 jyldyń 12 tamyzynda elimizdiń joǵary zań shyǵarýshy organy joǵary palatasyna 17 óńirden bir-bir depýtattan saılanýy qajet.
