Senat depýtattarynyń saılaýy: sheteldik BAQ baıqaý sharalaryna qatysady
«Halyqaralyq baıqaý ınstıtýty ashylǵannan keıin, Syrtqy ister mınıstrligi QR Parlamenti Senatyna saılaýdy baqylaý úshin birqatar halyqaralyq uıymdarǵa shaqyrý hattar men tıisti notalardy jiberdi. QR OSK múshesi atap ótkendeı, bizge 6 tamyzdaǵy saǵat 18:00-degi jaǵdaı boıynsha quramynda 5 adam bar Túrkitildes memleketterdiń yntymaqtastyq keńesinen baıqaýshylar delegatsııasynyń saýalnamalyq derekteri keldi», - dedi E. Ashyqbaev QR Ortalyq saılaý komıssııasynyń otyrysynda.
Onyń sózine qaraǵanda, QR SІM janynda akkredıttelgen sheteldik buqaralyq aqparat quraldarynyń 143 ókili saılaý týraly zańnamaǵa sáıkes, saılaýdy halyqaralyq baıqaýshylarmen teń dárejede baıqaı alatynyn atap ótti.
Aıta keteıik, saılaý zańnamasyna sáıkes, 6 tamyzda saǵat 18:00-de halyqaralyq baıqaýshylardy akkredıtteý aıaqtaldy.
Eske salsaq, 2014 jyly saılanǵan Senat depýtattarynyń ókilettik merzimi osy jyldyń qazan aıynda aıaqtalady. Osylaısha, 2020 jyldyń 12 tamyzynda elimizdiń joǵary zań shyǵarýshy organy joǵary palatasyna 17 óńirden bir-bir depýtattan saılanýy qajet.
2020 jylǵy 24 shildedegi jaǵdaı boıynsha elimizde Senat depýtattyǵyna saılaý komıssııalary 58 kandıdatty tirkedi. Ortasha alǵanda bir orynǵa úsh úmitker bar.
