Senat depýtattarynyń saılaýy: QR OSK daıyndyqty pysyqtady
Otyrysqa vıdeokonferentsbaılanys rejıminde oblystardyń, Nur-Sultan, Almaty jáne Shymkent qalalarynyń aýmaqtyq saılaý komıssııalary jáne onlaın rejımde buqaralyq aqparat quraldarynyń ókilderi qatysty .
QR OSK Tóraǵasy Berik Imashev málim etkendeı, 10 tamyz saǵat 00:00-de kandıdattardyń saılaýaldy úgit-nasıhattary aıaqtalady. Osymen, Kúntizbelik josparǵa sáıkes daýys berý kúnin uıymdastyrýmen jáne ótkizýmen baılanysty barlyq saılaýaldy is-sharalar aıaqtalady.
«Osyǵan baılanysty oblystardyń, Nur-Sultan, Almaty jáne Shymkent qalalarynyń aýmaqtyq saılaý komıssııalary tóraǵalarynyń daýys berý kúnine daıyndyq týraly aqparattary tyńdaldy.
Saılaý komıssııalarynyń usynǵan málimetterine sáıkes, saılaý bıýlletenderine 46 kandıdat engizildi (tirkeýden keıin 12 kandıdattan kandıdatýralaryn alyp tastaý týraly ótinish berildi).
ıAǵnı, Shyǵys Qazaqstan oblysynan - 4 kandıdattan, al 10 óńirden 3 kandıdattan: Aqmola, Atyraý, Batys Qazaqstan, Qaraǵandy, Qostanaı, Qyzylorda jáne Pavlodar oblystary, Nur-Sultan, Almaty, Shymkent qalalary. Qalǵan óńirlerden - 2 kandıdattan», - delingen OSK aqparatynda.
Respýblıka boıynsha tańdaýshylar tizimine 3069 máslıhat depýtaty engizilgen. Olardyń basym bóligi Almaty oblysynan - 317 jáne Shyǵys Qazaqstan oblysynan – 301, al edáýir az bóligi Nur-Sultan qalasynan - 21, Shymkent qalasynan - 26 jáne Almaty qalasynan - 32.
Berik Imashev óńirlerdegi sanıtarlyq-epıdemıologııalyq jaǵdaıdy eskere otyryp, saılaý protsesiniń sanıtarlyq qaýipsizdigin qamtamasyz etý úshin barlyq qajetti sharalar qabyldanǵanyn atap ótti.
Budan basqa, saılaý kúni Ortsaılaýkomnyń ınternet-resýrsy arqyly tańdaýshylardy tirkeýdi jáne daýys berýdiń aldyn ala qorytyndylaryn shyǵarýdy onlaın baıqaý servısteri jumys isteıtin bolady. Bul saılaý protsesiniń ashyqtyǵy men jarııalylyǵyn qamtamasyz etedi.
