Senat depýtattarynyń saılaýy: Bir orynǵa bes adam úmitker
NUR-SULTAN. QazAqparat – Elordada Qazaqstan Respýblıkasy Ortalyq saılaý komıssııasynyń otyrysy ótti, dep habarlaıdy QazAqparat tilshisi.
«Depýtattardyń saılaý naýqany bastalǵaly beri búginge deıin 88 adam usynyldy. Ortasha alǵanda bir depýtattyq orynǵa bes adam úmitker bolyp tur. Usyný merzimi 12 shilde kúni saǵat 18.00-ge deıin jalǵasady. Usyný kezeńiniń sońǵy qorytyndylaryn jeke otyrysta qarastyramyz», - dedi QR Ortalyq saılaý komıssııasynyń tóraǵasy Berik Imashev otyrysta.
Aıta keteıik, osy jyldyń 12 maýsymynda Memleket basshysy Qasym-Jomart Toqaevtyń QR Parlamenti Senaty depýtattarynyń saılaýyn 2020 jylǵy 12 tamyzǵa taǵaıyndaý týraly qaýlysy shyqqan edi.
Osyǵan oraı QR Ortalyq saılaý komıssııasynyń onlaın rejımde otyrysy ótip, onda saılaýǵa qatysty kúntizbelik is-sharlar jospary bekitilgen. 13 maýsymnan bastap Senat depýtattyǵyna kandıdattardy usyný bastaldy. Sondaı-aq úmitkerlerge qoıylatyn talaptar jarııa etildi.
