Senat depýtattaryn saılaýshylardyń kelýi 98,3 protsentti qurady
ASTANA. QazAqparat - QR Parlamenti Senaty depýtattaryn saılaýshylardyń kelýi 98,3 protsentti qurady. Bul týraly búgin QR Ortalyq saılaý komıssııasynyń múshesi Marat Sársembaev málim etti, dep habarlaıdy QazAqparat.
«Qazaqstannyń barlyq aımaqtarynda Astana ýaqyty boıynsha saǵat 10-00-de saılaýshylardy tirkeý aıaqtaldy. QR Ortalyq saılaý komıssııasynyń Astana, Almaty men oblystardan alǵan jedel derekterine sáıkes, búkil el boıynsha saılaýshylardyń kelýi 98,3 protsentti qurady. Barlyq aımaqtarda qajetti kvorým bar. Qazaqstan Respýblıkasyndaǵy Saılaý týraly Konstıtýtsııalyq zańnyń 77 babynyń 2 tarmaǵyna sáıkes eger saılaıtyn depýtattardyń 50 paıyzdan astamy qatysqan jaǵdaıda saılaýshylardyń jınalysy quqyqty bolyp tabylady. Qazirgi ýaqytta Qazaqstannyń barlyq 16 óńirinde saılaýshylardyń jınalysy bastaldy», - dedi Marat Sársembaev.
Buǵan deıingi túpkilikti derekterge sáıkes, elimizdiń zań shyǵarýshy organynyń joǵarǵy palatasynyń 16 mandatyna oblystardan, Astana men Almaty qalalarynan 38 úmitker tirkelgen. Saılaýǵa qatysatyn tańdaýshylardyń sany - 3293. Senat saılaýyn 288 halyqaralyq baıqaýshy qadaǵalaıdy.
