Senat depýtattaryn saılaýǵa daıyndyq ashyq, jarııa túrde ótýde - Memleket basshysy
ASTANA. QazAqparat - Parlament Senaty depýtattaryn saılaýǵa daıyndyq ashyq, jarııa túrde ótýde. Bul týraly búgin 5-shi shaqyrylǵan QR Parlamentiniń 4-shi sessııasynyń ashylýynda sóz sóılegen Elbasy Nursultan Nazarbaev aıtty.
«Tórtinshi sessııanyń óz ereksheligi bar. Ol ózderińizge belgili 2008 jylǵy qazanda saılanǵan Parlament Senaty depýtattarynyń ókilettik merzimi aıaqtalýyna baılanysty. Jańa senatorlardy saılaý merzimi bıylǵy jyldyń 1 qazanyna belgilenip otyr. Elimizdiń joǵarǵy zań shyǵarýshy organyna 16 óńirden bir-birden depýtat saılanatyn bolady», - dedi N.Nazarbaev.
Qazaqstan Kóshbasshysynyń atap ótýinshe, Parlament Senatyna saılaýǵa daıyndyq ashyq, jarııa túrde ótýde jáne qoǵamda shynaıy qyzyǵýshylyq týǵyzyp otyr.
«Halyq arasynda saıası belsendilik pen quqyqtyq mádenıet artyp keledi. Sondyqtan bizdiń aldymyzda ashyq ta, ádil saılaý ótkizý mindeti tur. Azamattardyń quqyqtary men bostandyqtaryn qurmetteý, Konstıtýtsııanyń normalary men qaǵıdattaryn saqtaý Qazaqstan Respýblıkasynyń turaqty demokratııalyq damýynyń kepili bolyp tabylatyndyǵy sózsiz. Osyny esten shyǵarmaǵanymyz abzal», - dedi Elbasy.
