Senat depýtattaryn saılaý halyqaralyq standarttar deńgeıinde ótti - Q.Turǵanqulov
ASTANA. QazAqparat - Senat depýtattaryn saılaý halyqaralyq standarttar deńgeıinde ótti. Bul týraly búgin QR Ortalyq saılaý komıssııasynyń tóraǵasy Qýandyq Turǵanqulov málim etti.
«Saılaý barynsha tynysh jaǵdaıda ótti. Aıtarlyqtaı fors-majorlyq oqıǵalar, zańnamanyń buzylýy oryn ala qoıǵan joq. Halyqaralyq baıqaýshylar is júzinde elimizdiń barlyq óńirlerindegi saılaýshylardyń jıyndaryna tolyǵymen qatysty. Osylaısha, bizdiń oıymyzsha, saılaý halyqaralyq standarttar deńgeıinde ótti. Qandaı da bir zańbuzýshylyqtar oryn almady», - dedi ol.
OSK tóraǵasynyń sózine qaraǵanda, Senat depýtattaryna daýys berý barysyn, daýystardy sanaý rásimin kandıdattardyń senimdi adamdaryn, elimizdiń saıası partııalaryn, qoǵamdyq birlestikter men buqaralyq aqparat quraldaryn qosa alǵanda 387 adam baqylaǵan.
