Senat depýtattary Ujymdyq qaýipsizdik uıymyna qatysty birqatar qujattardy qarady
TANA. 8 qazan. QazAqparat /Aıdar Ospanalıev/ - Parlament Senatynyń Halyqaralyq qatynastar, qorǵanys jáne qaýipsizdik komıtetiniń otyrysynda «1992 jyldyń 15 mamyryndaǵy Ujymdyq qaýipsizdik kelisimine ózgerister men tolyqtyrýlar engizý týraly hattamasyn ratıfıkatsııalaý týraly» zań jobasy men «2002 jyldyń 7 qazanyndaǵy Ujymdyq qaýipsizdik uıymy kelisiminiń Jarǵysyna ózgerister men tolyqtyrýlar engizý týraly hattamasyn ratıfıfkatsııalaý týraly» zań jobasy talqylandy.
Otyrys barysynda Syrtqy ister vıtse-mınıstri Amangeldi Jumabaevtyń aıtýynsha, Ujymdyq qaýipsizdik kelisimine ózgerister men tolyqtyrýlar engizý týraly hattamasy 2010 jyly 10 jeltoqsanda Máskeýde jasalǵan. Atalmysh qujat talaptaryna sáıkes, bir nemese birneshe memlekettiń táýelsizdigi men tutastyǵyna jáne turaqtylyǵyna qaýip tóngen kezde nemese Ujymdyq qaýipsizdik uıymyna múshe elderge, sondaı-aq álemge qaýip tónetin bolsa, birden birlesken konsýltatsııalar tetigi iske qosylady. Nátıjesinde memleketter ózderine tóngen qaýip qaterdiń aldyn alý baǵytynda tıisti sheshim qabyldaıdy. Sondaı-aq kelisim talaptaryna sáıkes, ujymǵa múshe elder qaýip tóngen memleketke qajetti áskerı jáne ózge de kómekter kórsetetin bolady.
Otyrys barysynda senatorlar eki qujatty da jalpy otyrysta qaraý qajet degen baılamǵa keldi.
