Senat depýtattary ońtústik óńirde júr
ShYMKENT. QazAqparat - Búgin Ońtústik Qazaqstan oblysynyń ákimi Janseıit Túımebaev óńirimizge Elbasy N.Nazarbaevtyń Joldaýy men Úndeýinde aıtylǵan mindetterdi nasıhattaýǵa kelgen QR Parlamenti Senatynyń depýtattary Asqar Beısenbaev, Qýanysh Aıtahanov jáne Álı Bektaevpen kezdesti.
Basqosýda taraptar Memleket basshysynyń «Qazaqstannyń úshinshi jańǵyrýy: jahandyq básekege qabilettilik» atty halyqqa arnaǵan Joldaýy men saıası reformalarynyń aımaqta júzege asyrý josparyn sóz etti. Ózara áńgimede, ákim taıaýda QR Úkimetiniń keńeıtilgen otyrysynda ótken jıynda Elbasynyń Joldaýda aıtylǵan mindetterdi oryndaý aıasynda birqatar naqty tapsyrmalar júktegenin aıtty. Munan bólek, J.Qanseıituly sol jıynda oblysymyz úshin QR Prezıdenti Nursultan Nazarbaevtyń ındýstrıaldy-ınnovatsııalyq damý memlekettik baǵdarlamasy aıasynda qolǵa alynyp, óńirlerde turalap qalǵan jobalardy túzeý maqsatynda damý ınstıtýttarymen jáne basqa da memlekettik organdarmen birlesip jumys isteý tapsyrmasy alynyp, ony júzege asyrý mindeti turǵanyn jetkizdi.
Óz kezeginde, halyq qalaýlylary atalǵan saıası qujattardyń elimizdi damytý jolyndaǵy kezekti úlken baspaldaǵy ekenin atap ótip, ony júzege asyryp, elge paıdasyn tıgizý barshaǵa mindet ekenin jetkizdi. Sonymen birge, senatorlar Elbasynyń osynaý qujattaryn halyqqa túsindirip, ony iske asyrýda buqarany birlese jumys isteýge shaqyratynyn aıtty.
Aıta ketý kerek, QR Parlamenti Senatynyń depýtattary apta boıy óńirimizde jumys saparymen bolyp, Prezıdenttiń Úndeýi men Joldaýyn halyqqa keńinen nasıhattap, onyń mańyzyna toqtalatyn bolady, dep habarlaıdy OQO ákiminiń baspasóz qyzmeti.
