Senat depýtattary QR Prezıdenti janyndaǵy Memlekettik basqarý akademııasyndaǵy sot ınstıtýtynyń oqytýshylary men magıstranttarymen kezdesti
ASTANA. Jeltoqsannyń 21-i. QazAqparat. Búgin Senattyń Zańnama jáne quqyqtyq máseleler komıtetiniń depýtattary Qazaqstan Respýblıkasynyń Prezıdenti janyndaǵy Memlekettik basqarý akademııasyndaǵy sot ınstıtýtynyń oqytýshylary men magıstranttarymen kezdesýde sot organdarynyń mamandar quramyn jetildirý máseleleri talqylandy,
dep habarlady Senattyń baspasóz qyzmetinen.
Talqylaýdy ashqan komıtet hatshysy Serik Aqylbaı quqyqtyq reformalardy odan ári iske asyrýdaǵy, sot salasyna joǵarǵy standarttardy engizý men quzirettilikke qol jetkizýdegi, sot júıesiniń táýelsizdigi men aıqyndyǵy turǵysynda bul kezdesýdiń mańyzdy ekenin atap ótti.
Osyǵan baılanysty senator sýdıalar men sot júıesiniń qyzmetkerlerin daıarlaý, bilim berý jáne kásibı deńgeılerin arttyrý máseleleriniń ózektiligin atap ótti.
«Sottyń kásibı bilimi búginde memlekettik quqyqtyq saıasatty tabysty júzege asyrýdaǵy mańyzdy jaǵdaı bolyp tabylady, sot júıesi úshin mamandar daıarlaýdyń sapasyn arttyrý qajettigi baǵdarlamalyq sıpattaǵy qujattarda kórsetilgen»,-dedi senator.
Atap aıtqanda sot júıesiniń bilim berý strategııasy elimizdiń Prezıdenti Nursultan Nazarbaevtyń Qazaqstan halqyna Joldaýynda aıtylyp, sondaı-aq álemniń damyǵan jáne básekege qabiletti elderiniń qataryna kirý mindetine sáıkes ázirlengen bolatyn.
Kezdesýde oqý ornynyń qyzmetine toqtalǵan sot ınstıtýtynyń dırektory Murat Beıbitov bilim berýdi jańǵyrtýdaǵy memlekettik baǵdarlamanyń tujyrymdamalyq erejeleriniń eskerilýine jáne sot júıesi úshin mamandar daıarlaýdy qamtamasyz etý máselelerine kezdesýge qatysýshylar nazaryn aýdardy.
Kezdesý barysynda oqý úderisterin odan ári jetildirýdiń jáne sot korpýsy men sot júıesiniń qyzmetin qamtamasyz etetin memlekettik qyzmetshilerdiń kásibı deńgeıin arttyrýdyń keleshegi talqylandy.
