Senat depýtattary «Eır Astana» bıletteriniń qymbattaýyna baılanysty úkimetke saýal joldady
ASTANA. 12 sáýir. QazAqparat - Senat depýtattary «Eır Astana» ulttyq áýe kompanııasy bıletteri baǵasynyń qymbattaýyna baılanysty úkimetke saýal joldady. Bul týraly Senat tóraǵasy Qaırat Mámı óziniń jeke blogyna jazdy.
«Ústimizdegi jylǵy 5 sáýirdegi Parlament Senaty otyrysynyń barysynda «Eır Astana» ulttyq áýe kompanııasy bıletteri baǵasynyń qymbattaýy jáne osy jaǵdaıǵa baılanysty Úkimet tarapynan túsinikteme qajettigi jóninde aıtylǵan bolatyn.
Bul máseleni talqylaı kelip, palata Bıýrosy ony qazirgi zańnamanyń aıasynda sheshý joldary bar ekeni jaıynda toqtamǵa keldi. Osyǵan baılanysty Premer-Mınıstr K.Q.Másimovtiń atyna depýtattyq saýal joldandy», - delingen Senat spıkeriniń jeke blogynda.
