Senat depýtattary EQYU Parlamenttik Assambleıasynyń kúzgi sessııasyna qatysty
Senattyń Halyqaralyq qatynastar, qorǵanys jáne qaýipsizdik komıtetiniń hatshysy Tóleýbek Muqashev bastaǵan qazaqstandyq delegatsııa Eýropadaǵy qaýipsizdik jáne yntymaqtastyq uıymy Parlamenttik Assambleıasynyń Marrakeshte (Marroko) ótken kúzgi sessııasyna qatysty.
57 eldiń parlamentshileri qatysqan Assambleıa sessııasynyń negizgi taqyryby Jerorta teńizi aımaǵyndaǵy qaýipsizdikti kúsheıtý joldaryn, sondaı-aq klımattyń ózgerýi men EQYU keńistigindegi ekologııalyq kóshi-qon máselelerin talqylaýǵa arnaldy.
T.Muqashev sharaǵa qatysýshylarǵa «Din nemese senim negizindegi tózbeýshilikpen jáne kemsitýshilikpen kúres» úshinshi sessııasy aıasynda tózimdilik pen jahandyq dinaralyq únqatysýdy ilgeriletý jónindegi otandyq tájirıbeni tanystyrdy. Qazaqstannyń Tuńǵysh Prezıdenti – Elbasy N.Á.Nazarbaevtyń Álemdik jáne dástúrli dinder lıderleri sezin shaqyrý jónindegi bastamasyn jáne Memleket basshysy Q.K.Toqaevtyń belgilegen baǵytyn jalǵastyratynyn atap ótip, senator radıkalızmge tózbeýshilik pen onymen kúrestiń saldaryn boldyrmaý jónindegi júıeli jáne aldyn ala atqarylatyn sharalarǵa toqtaldy. T.Muqashev óz sózinde terrorızmniń ortaq anyqtamasyn jasaý, terrorıstik jáne ekstremıstik uıymdardyń, halyqaralyq qylmystyq toptardyń biryńǵaı tizimin qalyptastyrý týraly Elbasynyń usynysyn erekshe atap ótti.
Assambleıa aıasynda senatorlar T.Muqashev pen Ǵ.Dúısembaev EQYU PA Tóraǵasy Georgıı Tseretelımen, Marokkodaǵy Kóshi-qon halyqaralyq uıymy bıýrosy dırektorynyń orynbasary Tereza Botellamen, amerıkandyq senator Rodjer Ýıkermen jáne Mysyr, Marokko, Reseı, Tájikstan men Túrkııanyń depýtattarymen birqatar kezdesýler ótkizdi. Kezdesý barysynda Assambleıanyń kún tártibi, sondaı-aq bıo alýantúrlilik pen ekologııa máselelerine qatysty pikir almasý boldy.
