Senat depýtattary birqatar arnaıy ekonomıkalyq aımaqtardyń jumysymen tanysty
Іs-sapar barysynda árbir AEA qyzmetiniń tıimdiligi ekshelip, aımaqtardy jetildirý maqsatynda zańnamalyq aktilerge josparlanǵan túzetýler máseleleri jan-jaqty talqylandy.
Búginde «Aqtaý teńiz porty» AEA Mańǵystaý oblysynyń áleýmettik-ekonomıkalyq damýyna tyń serpin berip otyr. Indýstrııalyq damý komıtetiniń tóraǵasy Іlııas Ospanovtyń aıtýynsha, búginge deıin aımaqta jalpy somasy 120,2 mlrd teńgeni quraıtyn 18 joba iske asyrylǵan. Nátıjesinde myńnan astam jumys orny quryldy. Qazirgi ýaqytta 757,775 mlrd teńgege 28 jańa joba júzege asyrylýda. Bul 4 829 jumys ornyn ashýǵa múmkindik beredi.
Al «Ulttyq ındýstrııalyq munaı-hımııa tehnoparki» arnaıy ekonomıkalyq aımaǵy kómirsýtek shıkizatyn tereń óńdeý jáne qosylǵan quny joǵary keń básekege qabiletti munaı-hımııa ónimderin shyǵarý boıynsha álemdik deńgeıdegi munaı-hımııa óndiristerin qurý jáne damytý jónindegi serpindi ınvestıtsııalyq jobalardy ázirleýmen jáne iske asyrýmen aınalysady.
«Qazirgi kúnge deıin 4 joba sátti júzege asyryldy. Sonymen qatar 13 joba iske qosylý satysynda. Aımaqta ıntegratsııalanǵan gaz-hımııa kesheniniń, plastmassadan oraý buıymdaryn óndirý men polımerden buıymdar óndirý zaýyttarynyń jáne ózge de óndiris oryndarynyń qurylysy júrgizilýde» , – dep atap ótti Indýstrııalyq damý komıtetiniń tóraǵasy.
Sondaı-aq delegatsııa ókilderi «Aqtaý teńiz porty» AEA-da boldy. Depýtattar is-sapar qorytyndysy boıynsha «Arnaıy ekonomıkalyq aımaqtardyń naqty jaı-kúıi jáne jumys isteýiniń aldaǵy perspektıvalary» taqyrybynda keńeıtilgen dóńgelek ústel ótkiziletinin aıtty.
Foto: senate.parlam.kz
