Senat depýtattary «Reseı memlekettik dýmasy jáne Qazaqstan» kitabynyń tusaýkeserine qatysty
ASTANA. KAZINFORM – QR Parlamenti Senatynyń depýtattary Ulttyq akademııalyq kitaphanada ótken «Reseı memlekettik dýmasy jáne Qazaqstan» kitabynyń tusaýkeserine qatysty. Bul týraly Senattyń baspasóz qyzmeti jazdy.
Senattyń Áleýmettik-mádenı damý jáne ǵylym komıtetiniń tóraǵasy Nurtóre Júsip qazaq halqynyń tarıhyn zerdeleýdiń mańyzy men zerttelmegen «olqylyqtardyń» ornyn toltyrý qajettigin atap ótti.
«Qazaq eliniń tarıhynda áli de zerttelmeı qalǵan máseleler kóp. Solardyń eń ózekti talasqa toly tusy Qazaq eliniń Reseı ımperııasy quramynda bolǵan ýaqyty dep aıtar edim. 1905-1917 jyldar tarıhta elimiz úshin de Reseı úshin de úshin de shytyrmanǵa toly qym-qıǵash kezeń. Eńbekten osy kezeńdegi Reseıdegi saıası ınstıtýttardyń qalyptasýy, olardyǵy qazaq elıtasynyń orny jóninde qundy maǵlumattar men tyń kózqarastardy alýǵa bolady», — dedi Nurtóre Júsip.
«Qazaq gazetteri» JShS-nyń bas dırektory Dıhan Qamzabekuly jas urpaq úshin Reseı ımperııasynyń quramyna kirý kezindegi Qazaqstan tarıhyn zerdeleýdiń mańyzdy ekenin atap ótti. Bul Qazaqstandaǵy qazirgi saıası jáne áleýmettik protsesterdi tereńirek túsinýge múmkindik beretin tyń oılar men taldaý daǵdysyn qalyptastyrýǵa yqpal etedi.
