Senat densaýlyq saqtaý máselelerin qamtıtyn jobany birinshi oqylymda maquldady
ASTANA. 7 maýsym. QazAqparat - Búgin QR Parlamenti Senatynyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly zań jobasyn birinshi oqylymda maquldady.
Atalǵan qujattyń maqsaty memlekettik satyp alýlar týraly ratıfıkatsııalanǵan kelisimge jáne 2012 jyldyń qańtarynda qabyldanǵan zańǵa baılanysty týyndaǵan patsıenttiń medıtsınalyq uıymdy erkin tańdaý quqyǵy men halyqqa medıtsınalyq kómek kórsetýdiń qoljetimdiligin qamtamasyz etý jónindegi olqylyqty joıý bolyp tabylady.
Bul rette «Halyq densaýlyǵy jáne densaýlyq saqtaý júıesi týraly» Kodeksine jáne «Memlekettik satyp alýlar týraly» Zańyna ózgerister qarastyrylady. Atap aıtqanda, tegin medıtsınalyq kómektiń kepildik berilgen kólemin kórsetý jónindegi qyzmetter berýshini tańdaý jáne densaýlyq saqtaý uıymdarynyń shyǵyndaryn óteý sharalary qarastyrylady.
Sondaı-aq, tegin medıtsınalyq kómektiń kepildik berilgen kólemi sheńberinde dárilik zattar men medıtsınalyq maqsattaǵy buıymdardy satyp alý bóliginde tıisti túzetýler engiziledi.
Birinshi oqylymda maquldanǵan zań jobasy, ekinshi oqylymǵa ázirleýge tapsyryldy.
