Senat DDU Eýropalyq komıtetiniń 73-shi sessııasyn Qazaqstanda ótkizý týraly zańdy qaraıdy
Senattyń Áleýmettik-mádenı damý jáne ǵylym jónindegi komıtetiniń depýtattary keńeıtilgen otyrysta «Astanada (Qazaqstan Respýblıkasy) Dúnıejúzilik densaýlyq saqtaý uıymynyń Eýropalyq óńirlik komıtetiniń 73-shi sessııasyn uıymdastyrý týraly Qazaqstan Respýblıkasynyń Úkimeti men Dúnıejúzilik densaýlyq saqtaý uıymy arasyndaǵy kelisimdi ratıfıkatsııalaý týraly» zańdy talqylady, dep habarlaıdy Kazinform.
Qujat Qazaqstan men Dúnıejúzilik densaýlyq saqtaý uıymy arasyndaǵy halyqaralyq yntymaqtastyqty damytý jáne nyǵaıtý maqsatynda ázirlengen bolatyn. Kelisim Qazaqstanda DDU Eýropalyq óńirlik komıtetiniń jetpis úshinshi sessııasyn tıimdi uıymdastyrýdy jáne ótkizýdi qamtamasyz etýge baǵyttalǵan.
Depýtattardyń aıtýynsha, zańdy ratıfıkatsııalaý DDU-ǵa múshe elder arasynda Qazaqstannyń bedelin arttyrýǵa yqpal etetin bolady.
Senat komıtetiniń músheleri talqylaý qorytyndysy boıynsha zańdy palata otyrysynda qaraýǵa jiberý týraly sheshim qabyldady.
