Senat bıýrosynyń otyrysynda zań jobalaryn qarastyratyn negizgi komıtetter belgilendi

Otyrysta «Qazaqstan Respýblıkasynyń keıbir zańnamalyq aktilerine ıslamdyq qarjylandyrýdy uıymdastyrý máseleleri boıynsha ózgerister men tolyqtyrýlar engizý týraly» zań jobasy Qarjy jáne bıýdjet komıtetine berildi.

«Qazaqstan Respýblıkasynyń keıbir zańnamalyq aktilerine jumyspen qamtý jáne halyqty áleýmettik qorǵaý máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasy men Halyqaralyq Qaıta Qurý jáne Damý Banki arasyndaǵy Qaryz týraly kelisimdi (Tehnıkalyq jáne kásiptik bilim berýdi jańǵyrtý jobasy) ratıfıkatsııalaý týraly» zań jobalaryn zerdeleý úshin Áleýmettik-mádenı damý komıtetine berildi.

Zańnama jáne quqyqtyq máseleler komıteti «Keden odaǵy sheńberindegi daýlar boıynsha sharýashylyq júrgizýshi sýbektilerdiń Eýrazııalyq ekonomıkalyq qoǵamdastyqtyń Sotyna júginýi jáne olar boıynsha sot isin júrgizý erekshelikteri týraly shartty ratıfıkatsııalaý týraly», «Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy 1994 jylǵy 10 jeltoqsandaǵy Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy «Baıqońyr» keshenin jalǵa berý shartyna ózgeris engizý týraly hattamany ratıfıkatsııalaý týraly», «Zııatkerlik menshik quqyqtaryn saqtaý jáne qorǵaý salasyndaǵy biryńǵaı retteý qaǵıdattary týraly kelisimdi ratıfıkatsııalaý týraly» zań jobalary boıynsha bas komıtet bolyp bekitildi.

Halyqaralyq qatynastar, qorǵanys jáne qaýipsizdik komıtetine «Qazaqstan Respýblıkasynyń Úkimeti men Frantsýz Respýblıkasynyń Úkimeti arasyndaǵy Frantsýz Respýblıkasy Qarýly Kúshteriniń Aýǵanstan Islam Respýblıkasyn turaqtandyrý men qalpyna keltirý jónindegi is-qımyldarǵa qatysýyna baılanysty Qazaqstan Respýblıkasynyń aýmaǵy arqyly áskerı múlik pen personaldyń tranzıtin qamtamasyz etý týraly kelisimdi ratıfıkatsııalaý týraly» zań jobasyn qaraýǵa ázirleý tapsyryldy.

Bıýro otyrysynda sondaı-aq palatanyń 2 maýsymda bolatyn kezekti jalpy otyrysynyń tártibin belgileý týraly komıtetterdiń usynystary da talqylandy.

Atap aıtqanda, aldaǵy jalpy otyrysta «Tarıftik saıasat negizderin qosa alǵanda, temir jol kóliginiń qyzmetterine qol jetkizýdi retteý týraly kelisimdi ratıfıkatsııalaý týraly», «Belarýs Respýblıkasyndaǵy, Qazaqstan Respýblıkasyndaǵy jáne Reseı Federatsııasyndaǵy tehnıkalyq retteýdiń biryńǵaı qaǵıdattary men qaǵıdalary týraly kelisimdi ratıfıkatsııalaý týraly», «Úshinshi memleketterden kelgen zańsyz eńbek kóshi-qonyna qarsy is-qımyl jónindegi yntymaqtastyq týraly kelisimdi ratıfıkatsııalaý týraly», «Kóship-qonýshy eńbekshiler men olardyń otbasy músheleriniń quqyqtyq mártebesi týraly kelisimdi ratıfıkatsııalaý týraly» zań jobalaryn qaraý josparlandy.

Sonymen qatar palata otyrysynda «Qazaqstan Respýblıkasynyń keıbir zańnamalyq aktilerine elektrondyq aqsha máseleleri boıynsha ózgeris pen tolyqtyrýlar engizý týraly» zań jobasyn ekinshi oqylymda qaraý kózdelip otyr.