Senat Bıýrosynyń otyrysynda zań jobalary boıynsha bas komıtetter belgilendi
ASTANA. QazAqparat - Búgin Qasym-Jomart Toqaevtyń tóraǵalyq etýimen Qazaqstan Respýblıkasy Parlamenti Senaty Bıýrosynyń otyrysy boldy.
Bıýro otyrysy barysynda 2014 jylǵy 25 qyrkúıekte bolatyn Palatanyń kezekti jalpy otyrysynyń kún tártibine usynystar engizildi. Otyrysta «Qazaqstan Respýblıkasynyń keıbir zańnamalyq aktilerine ekstremızmge jáne terrorızmge qarsy is-qımyl máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine memlekettik basqarý deńgeıleri arasyndaǵy ókilettikterdiń arajigin ajyratý máseleleri boıynsha ózgerister men tolyqtyrýlar engizý týraly» zań jobalaryn birinshi oqylymda, sondaı-aq «Qazaqstan Respýblıkasynyń Úkimeti týraly» Qazaqstan Respýblıkasynyń Konstıtýtsııalyq zańyna ózgerister engizý týraly» zań jobasyn qaraý josparlanyp otyr. Bıýroda sondaı-aq, Májilisten kelgen zań jobalary bólinip berildi. Ekonomıkalyq saıasat, ınnovatsııalyq damý jáne kásipkerlik komıteti «Qazaqstan Respýblıkasynyń Úkimeti týraly» Qazaqstan Respýblıkasynyń Konstıtýtsııalyq zańyna ózgerister engizý týraly» jáne «Qazaqstan Respýblıkasynyń keıbir zańnamalyq aktilerine memlekettik basqarý deńgeıleri arasyndaǵy ókilettikterdiń arajigin ajyratý máseleleri boıynsha ózgerister men tolyqtyrýlar engizý týraly» zań jobalary boıynsha bas komıtet bolyp belgilendi. Áleýmettik-mádenı damý jáne ǵylym komıteti «Túrki Akademııasyn qurý týraly kelisimdi ratıfıkatsııalaý týraly» zań jobasy boıynsha bas komıtet bolyp belgilendi. Konstıtýtsııalyq zańnama, sot júıesi jáne quqyq qorǵaý organdary komıteti «Qazaqstan Respýblıkasynyń Úkimeti men Shveıtsarııa Federaldyq Keńesi arasyndaǵy Ruqsatsyz bolatyn adamdardyń readmıssııasy týraly kelisimdi ratıfıkatsııalaý týraly» zań jobasy boıynsha bas komıtet boldy.
