Senat bıýrosynyń otyrysynda zań jobalary bólinip berildi
ASTANA. QazAqparat - 9 aqpanda Qasym-Jomart Toqaevtyń tóraǵalyq etýimen Qazaqstan Respýblıkasy Parlamenti Senaty bıýrosynyń otyrysy boldy.
Bıýroda Májilisten túsken zań jobalary bólinip berildi.
Konstıtýtsııalyq zańnama, sot júıesi jáne quqyq qorǵaý organdary komıteti «Qazaqstan Respýblıkasynyń Úkimeti men Ózbekstan Respýblıkasynyń Úkimeti arasyndaǵy Adamdardyń readmıssııasy týraly kelisimdi jáne Qazaqstan Respýblıkasynyń Úkimeti men Ózbekstan Respýblıkasynyń Úkimeti arasyndaǵy Adamdardyń readmıssııasy týraly kelisimdi iske asyrý tártibi týraly atqarý hattamasyn ratıfıkatsııalaý týraly» zań jobasyn odan ári pysyqtaý jáne qorytyndy ázirleýge jaýapty komıtet bolyp belgilendi.
Ekonomıkalyq saıasat, ınnovatsııalyq damý jáne kásipkerlik komıteti «Qazaqstan Respýblıkasy men Halyqaralyq Qaıta Qurý jáne Damý Banki (energııa tıimdiligin arttyrý jáne jastar birlestikterin damytý baǵdarlamasy úshin bir donordyń Trast qory ákimshisi retinde áreket etýshi) arasyndaǵy Grant týraly kelisimdi (Energııa tıimdiligin arttyrý jobasy) ratıfıkatsııalaý týraly» zań jobasy boıynsha bas komıtet bolyp belgilendi.
Qarjy jáne bıýdjet komıtetine «Halyqaralyq Valıýta Qory Kelisiminiń Baptaryna túzetýlerdi ratıfıkatsııalaý týraly» zań jobasy bekitildi, Áleýmettik-mádenı damý jáne ǵylym komıtetine «Qazaqstan Respýblıkasynyń keıbir zańnamalyq aktilerine áleýmettik-eńbek salasyndaǵy memlekettik kórsetiletin qyzmetterdi ońtaılandyrý jáne avtomattandyrý máseleleri boıynsha ózgerister men tolyqtyrýlar engizý týraly» zań jobasymen shuǵyldaný tapsyryldy.
