Senat Bıýrosynyń otyrysy ótti
ASTANA. QazAqparat - 27 qazanda Qasym-Jomart Toqavtyń tóraǵalyq etýimen Qazaqstan Respýblıkasy Parlamenti Senaty Bıýrosynyń otyrysy boldy.
Onda 2014 jylǵy 30 qazanda bolatyn Senat otyrysynyń kún tártibi talqylandy.
Senat otyrysynda «Azamattyq is júrgizý máseleleri jónindegi konventsııany ratıfıkatsııalaý týraly», «Qazaqstan Respýblıkasy men Reseı Federatsııasy arasyndaǵy Qazaqstan Respýblıkasy azamattarynyń Reseı Federatsııasynyń aýmaǵynda jáne Reseı Federatsııasy azamattarynyń Qazaqstan Respýblıkasynyń aýmaǵynda bolý tártibi týraly kelisimdi ratıfıkatsııalaý týraly» jáne «Qazaqstan Respýblıkasynyń Úkimeti men Shveıtsarııa Federaldyq Keńesi arasyndaǵy Ruqsatsyz bolatyn adamdardyń readmıssııasy týraly kelisimdi ratıfıkatsııalaý týraly» zań jobalary, sondaı-aq «1999 jylǵy 2 aqpandaǵy Qazaqstan Respýblıkasynyń Úkimeti men Belarýs Respýblıkasynyń Úkimeti arasyndaǵy Taýarlardy (jumystardy) eksporttaý jáne ımporttaý kezinde janama salyqtardy óndirip alýdyń prıntsıpteri týraly kelisimniń qoldanysyn toqtatý týraly Qazaqstan Respýblıkasynyń Úkimeti men Belarýs Respýblıkasynyń Úkimeti arasyndaǵy hattamany ratıfıkatsııalaý týraly» zań jobasyn qaraý josparlandy.
Bıýroda depýtattar Qazaqstan Respýblıkasy Parlamenti Senatynyń janyndaǵy Jergilikti ókildi organdarmen (máslıhattarmen) ózara is-qımyl jasaý jónindegi keńestiń quramyn da bekitti.
Senat Tóraǵasy Májilisten qarjy salasynyń bıyl qarashada túsetin: «2014-2016 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna ózgerister engizý týraly», «2015-2017 jyldarǵa arnalǵan respýblıkalyq bıýdjet týraly» jáne «Qazaqstan Respýblıkasynyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly» zań jobalaryn sapaly jáne jedel qaraý qajettigine Bıýro músheleri men Senat Apparaty qyzmetkerleriniń nazaryn aýdardy. Zańnamaǵa sáıkes, Parlament bul zań jobalaryn 2014 jylǵy 1 jeltoqsannan keshiktirmeı qabyldaýy tıis.
