Senat Bıýrosynyń otyrysy boldy

NUR-SULTAN. QazAqparat - Máýlen Áshimbaevtyń tóraǵalyq etýimen Bıýro otyrysy boldy. Onda Palatanyń aǵymdaǵy jylǵy 17 jáne 31 naýryzǵa josparlanǵan otyrystarynyń kún tártibi bekitildi, dep habarlaıdy QazAqparat joǵary palatanyń baspasóz qyzmetine silteme jasap.

Depýtattar 17 naýryzdaǵy Senat otyrysynda «Derbes derekter almasý salasyndaǵy ákimshilik máseleler boıynsha ózara quqyqtyq kómek týraly kelisimdi ratıfıkatsııalaý týraly» zań jobasyn qaraýdy josparlap

otyr.

Kelisimniń maqsaty – Táýelsiz Memleketter Dostastyǵy aıasynda ózara quqyqtyq kómek kórsetý, onyń ishinde azamattyǵynyń bolýy nemese bolmaýy, kóshi-qon esebine qoıý, vıza berý, jeke basyn kýálandyratyn qujattar jáne basqalar týraly yntymaqtastyqtyń quqyqtyq negizderin

qurý bolyp tabylady.

Senattyń 31 naýryzda ótetin otyrysynda depýtattar «Tolyq emes jumys ýaqyty jaǵdaılaryndaǵy jumys týraly konventsııany (175-konventsııa) ratıfıkatsııalaý týraly» zań jobasyn qaraıtyn boldy.

Bıýro otyrysynda sonymen qatar Májilisten kelip túsken zań jobalary Senattyń turaqty komıtetterine bólinip berildi.