Senat Bıýrosynyń otyrysy boldy
ASTANA. QazAqparat - Búgin Qasym-Jomart Toqaevtyń tóraǵalyq etýimen Qazaqstan Respýblıkasy Parlamenti Senaty Bıýrosynyń otyrysy boldy.
Bıýroda 2014 jylǵy 11 qyrkúıekte bolatyn Senattyń kezekti otyrysynyń kún tártibi talqylandy.
Otyrysta «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrýlar engizý týraly» zań jobasyn birinshi oqylymda qaraý josparlanyp otyr.
Depýtattardyń qaraýyna keıbir zańnamalyq aktilerge sot tóreligin iske asyrýdy odan ári jeńildetý, tóreshildik rásimderdi azaıtý máseleleri boıynsha ózgerister men tolyqtyrýlar engizý týraly zań jobasy da (birinshi oqylymda) usynylatyn bolady.
Q.Toqaev memlekettik basqarýdy reformalaýdy sapaly zańnamamen qamtamasyz etý maqsatynda Memleket basshysy shuǵyl dep jarııalaǵan zań jobalarynyń toptamasy boıynsha qalyptasqan jumystyń qajettigine Bıýro músheleriniń nazaryn aýdardy.
