Senat Bıýrosynyń alǵashqy otyrysy boldy

Tóraǵa osy sessııanyń ashylýynda Memleket basshysy jarııa etken Parlament aldynda turǵan mindetterge nazar aýdara kelip, zańdardyń jergilikti jerlerde qatań oryndalýy jáne Parlament tarapynan tıisti baqylaý jasaýdyń qajettigi týraly aıtty.

Otyrys barysynda Q.Mámı  qabyldanatyn zańdardyń sapasyn jaqsartý jáne parlamenttik sharalardyń nátıjeliligin arttyrý jóninde depýtattar men Senat Apparatyna birqatar naqty tapsyrmalar berdi.

Bıýroda 2012 jylǵy 13 qyrkúıekte bolatyn Senat otyrysynyń kún tártibi talqylandy.

Atap aıtqanda, Eýrazııalyq  ekonomıkalyq qoǵamdastyqqa múshe memleketterdiń kapıtal qozǵalysyna baılanysty operatsııalardy retteý jáne baqylaý jónindegi valıýtalyq saıasatynyń negizin quraıtyn qaǵıdattar týraly kelisimdi ratıfıkatsııalaý týraly zań jobasyn qaraý kózdelip otyr.

Sondaı-aq Qazaqstan men Reseı Federatsııasynyń arasyndaǵy saýda ókildikterin ózara  qurý jáne saýda ókildikteriniń bólimshelerin ashý týraly týraly kelisimdi ratıfıkatsııalaý týraly zań jobalary talqylanatyn bolady.